Social Lance 2013

A imaxe vai adicada a Lleims que fixo submarinismo no Xallas!! Je je je je. Non poido dar fe de se en realidade fixo algún disparo pero si é certo que me rin tanto como se ve.

Podium Social Lance

1º O xefe    troitas 1ª manga 8     troitas 2ª manga 7
2º Lleims    troitas 1ª manga 7     troitas 2ª manga 7
3º Mon        troitas 1ª manga 6     troitas 2ª manga 7

PROBA:
Social Lance S/M. Lugar; libre do Xallas. 13/04/2013.

El "Maestro" y el "Molinero" en Argentina 2013

Do 14 de febreiro ao 12 de marzo e cunha estancia en Buenos Aires dun día a ida e outro á volta, dous socios da Sociedade de Pesca Deportiva Neria, Antonio “el Maestro” e Pepe “el Molinero”, acompañados duns amigos aos que nin nomeo nin poño imaxes deles xa que non sei se estarán de acordo en que o faga, estiveron pescando polo sur de Arxentina, máis concretamente nas provincias da Patagonia: NEUQUEN E CHUBUT.

Os lugares onde se aloxaron e os principais rios que pescaron en cada sitio foron: Aluminé:, rio do mesmo nome, rio Pulmari, rio Calfiquitra. Junin de los Andes: Rio Chimehuin, Rio Malleo, Rio Quenquentreu, Caleufú, etc. Villa Ribadavia: Rio Carrileufú, Rio Colehual, Rio Ribadavia.

O aloxamento fixérono en cabanas onde o “Maestro” foi o “Chef”, alguén me dixo que coa axuda dos “pinches” pero eu coido que pouco o axudarían, máis ben ao que o axudarían sería a dar boa conta dos suculentos pratos saídos da súa cociña.

A definición que me deron dos lugares pescados foi a de "pequeños paraisos", pola súa beleza, limpeza das augas e da contorna, excelente pesca, tranquilidade, etc. No que respecta á pesca, en ocasións moi boa outras regular, pero sempre con captura de bastantes exemplares. Ao longo deste tempo foron numerosas as capturas de troitas de entre 25 e 35 cm., e algo menos as de 35 a 45. Todos eles pescaron algunhas de máis de 45 cm. e, excepcionalmente, varias se achegaban aos 60 cm. 

 

O "Maestro" no Calfiquitra, rodeado de araucarias nunha fermosa paraxe con moi boas troitas

O "Cef" en plena faena.

Na desembocadura do río Calefú.

Don Pepe "el Molinero" no Parque Nacional Lanin.

Pepe cunha fermosa captura do Malleo.

Na boca do río Carrileufú que nace no lago Cholila.

O "Maestro" no Ribadavia.

Troita do "Maestro" polas beiras do Ribadavia.

Pepe no Calfiquitra.

Fermosas fotos compañeiros!! Parabéns por esta viaxe!!

Notas e imaxes
José Rodríguez

Irlanda 2012

Este pasado ano, aló polo mes de xullo, uns membros da Sociedade de Pesca Deportiva Neria, fixemos unha viaxe de pesca a Irlanda. Pasamos alí dúas maravillosas semanas acompañados dun grupo de amigos. Ao chegarmos, a primeira cousa que fixemos foi facer saber quen éramos e onde estábamos.

Despois de instalados nos nosos luxosos aposentos (cabana con calefacción, duchas, lavadora, lavavaixela, cociña, forno, etc) fomos dar unha volta polo que ía ser o noso escenario de pesca nos vindeiros días.

As primeiras impresións foron moi alentadoras. As augas dunha cor diferente ás nosas, un río cuns accesos moi doados e practicables.

Unha contorna moi limpa e ben coidada na que tan só gozar da súa presenza facía que sentirse nela era un verdadeiro pracer, un inmenso pracer.

Os continuos cambios de luz e luminosidade por mor das nubes que ían pasando, ademais da boa acollida que tivemos, facíannos sentir uns privilexiados, sentíamos vivir uns momentos máxicos.

Así que, con ansia, menos Angel que o tomou coa súa característica calma, puxémonos a preparar o material e...

A pescar!! 

A "aboiña" empezou a lance

Angel dixo que empezaría a mosca, seguiría a mosca e remataría a mosca e así o fixo, por certo, con moito éxito.

Foron aparecendo as primeiras capturas da viaxe.

Tivemos unha xornada na que o río estaba cheo de salmóns, eu nunca na miña vida tal cousa vira, foi un día deses nos que un é incapaz de recordar tódalas anécdotas e acontecementos vividos e que tan só despois, co tempo, se van recordando pouco a pouco por uns e outros.

Para min ese día será...O do meu primeiro salmón Irlandés!! Non podía crelo!! acababa de ver como a un compañeiro se lle desenganchara un salmón e fora quen de meter outro no prado. Cedíame logo o posto a min e, non moi seguro de min mesmo, agradecinlle o xesto pero funme para outro pozo un pouco máis arriba e, nada máis chegar, enganchei un salmón que se foi e instantes despois ACADEI A MIÑA PRIMEIRA CAPTURA!!

Non todo foi pesca, foron tamén uns momentos de lecer compartidos cuns amigos ao carón dun lugar maravilloso.

Uns días tranquilos, sen présas, nun río sen presas, cheo de vida!!

Tamén adicamos uns intres ás troitas, para que "O Maestro" nos agasallase coa súa receita ultra segreda, altamente reservada e estrictamente confidencial que tan só prepara para os amigos. Umh que deliciosas estaban!!!

Pero a raiña da viaxe foi a "aboiña", que probou tamén a cebo e sacou este marabilloso salmón de catro kilos e medio!!

Que contenta quedou!!

Foi unha viaxe marabillosa, nun lugar de xente fabulosa, cunha pescata excepcional feita nunha contorna magnífica, pero todo isto non ten cor algunha se o comparamos á calidade do grupo co que tiven a honra, a gran honra, de poder compartir esta inesquecible saída de pesca.

Actividade 2013

Actividade	Data	Modalidade	Río/Lugar	Couto	Provincia
Social	16 e 23/02	Montaxe	Vimianzo		A Coruña
Social	2 e 9/03	Montaxe	Vimianzo		A Coruña
Social	09/02	Mar-Praia	Lourido		A Coruña
Social	10/03	Mar-Rocha	Lourido		A Coruña
Liga de Clubs	23/03	Mar-Costa			A Coruña
Saída Social	30/03	Salmónidos	Miño	Ombreiro	Lugo
Social	13/04	Sal. Lance	Xallas	Libre	A Coruña
Open	14/04	Rockfishing			A Coruña
Provincial	21/04	Sal. Lance	Grande	Baio	A Coruña
Social	27/04	Limpeza	Grande	Pte. do Porto	A Coruña
Provincial	04/05	Mar-Costa			A Coruña
Autonómico	05/05	Sal. Lance	Xallas	Xallas/Beba	A Coruña
Social	18/05	Limpeza	Grande	Pte. do Porto	A Coruña
Provincial	19/05	Sal. Mosca	Mandeo	Aranga	A Coruña
Liga de Clubs	26/05	Sal. Lance	Neira	Pobra	Lugo
Liga de Clubs	02/06	Sal. Mosca	Anllóns/Xallas	St.C. e Verd.	A Coruña
Social	15/06	Limpeza	Grande	Pte. do Porto	A Coruña
Social	20/07	Limpeza	Grande	Pte. do Porto	A Coruña
Provincial	21/07	Emb. Fondeada			A Coruña
Social	27/07	Sal. Mosca	Xallas	Libre	A Coruña
Social	03/08	Reo	Grande	Pte. do Porto	A Coruña
Social	10/08	Limpeza	Grande	Pte. do Porto	A Coruña
Social	18/08	Emb. Fondeada	Camariñas		A Coruña
Social	24/08	Limpeza	Grande	Pte. do Porto	A Coruña
Social	07/09	Reo	Grande	Pte. do Porto	A Coruña
Social	21/09	Reo	Grande	Pte. do Porto	A Coruña
Social	28/09	Churrascada	Fin de Temp.	Pte. do Porto	A Coruña