Mantemento e Limpeza, 13 xuño 2015.

Campanu do Eo 2014

Repítese a historia, mesmo lote, mesmos pescadores e mesmo resultado. Antonio Barreiro foi de novo o pescador galego que tivo a honra de botar á terra o primeiro salmón da tempada 2014 do río Eo, ao igual co ano pasado este lance deuse no lote catro da Pontenova, O Cairo, sobre as 12,00 horas deste 27 de abril que marcou o inicio da tempada de salmón en Asturias e, por mor de ter o Río Eo varios lotes compartidos cos nosos veciños Asturianos, tamén para este cauce fluvial.

O campanu do Eo deste ano foi un salmón moito máis modesto, en peso e tamaño, co do ano pasado. Antonio quédase o exemplar, coma sempre, para compartilo cos demais membros da terna, entre eles o seu compañeiro de aventuras, tanto polas augas patrias coma fóra delas, Antonio Rodríguez.

Parabéns, unha vez máis, a estes formidables amigos, compañeiros e pescadores que, pouco a pouco, van agradando a súa lenda coma os magníficos representantes que son desta magnífica actividade que é a pesca fluvial.

Provincial Salmónidos Lance 2014

Nesta nova edición do provincial salmónidos lance participaron os deportistas da Sociedade de Pesca Deportiva Neria Ramón Souto Pérez e Carlos Vieites González.

Os nosos dous representantes acadaron posto para participar no vindeiro campionato autonómico da especialidade que se desenvolverá o día 8 de maio no couto de Ombreiro (Lugo). Ademáis diso, Carlos voltou a acadar o título de subcampión provincial por segunda vez.
Os nosos parabéns para estes dous deportistas, e amigos, pola súa brillante actuación e moitos ánimos para ese vindeiro Autonómico.