Actividade 2013

Actividade	Data	Modalidade	Río/Lugar	Couto	Provincia
Social	16 e 23/02	Montaxe	Vimianzo		A Coruña
Social	2 e 9/03	Montaxe	Vimianzo		A Coruña
Social	09/02	Mar-Praia	Lourido		A Coruña
Social	10/03	Mar-Rocha	Lourido		A Coruña
Liga de Clubs	23/03	Mar-Costa			A Coruña
Saída Social	30/03	Salmónidos	Miño	Ombreiro	Lugo
Social	13/04	Sal. Lance	Xallas	Libre	A Coruña
Open	14/04	Rockfishing			A Coruña
Provincial	21/04	Sal. Lance	Grande	Baio	A Coruña
Social	27/04	Limpeza	Grande	Pte. do Porto	A Coruña
Provincial	04/05	Mar-Costa			A Coruña
Autonómico	05/05	Sal. Lance	Xallas	Xallas/Beba	A Coruña
Social	18/05	Limpeza	Grande	Pte. do Porto	A Coruña
Provincial	19/05	Sal. Mosca	Mandeo	Aranga	A Coruña
Liga de Clubs	26/05	Sal. Lance	Neira	Pobra	Lugo
Liga de Clubs	02/06	Sal. Mosca	Anllóns/Xallas	St.C. e Verd.	A Coruña
Social	15/06	Limpeza	Grande	Pte. do Porto	A Coruña
Social	20/07	Limpeza	Grande	Pte. do Porto	A Coruña
Provincial	21/07	Emb. Fondeada			A Coruña
Social	27/07	Sal. Mosca	Xallas	Libre	A Coruña
Social	03/08	Reo	Grande	Pte. do Porto	A Coruña
Social	10/08	Limpeza	Grande	Pte. do Porto	A Coruña
Social	18/08	Emb. Fondeada	Camariñas		A Coruña
Social	24/08	Limpeza	Grande	Pte. do Porto	A Coruña
Social	07/09	Reo	Grande	Pte. do Porto	A Coruña
Social	21/09	Reo	Grande	Pte. do Porto	A Coruña
Social	28/09	Churrascada	Fin de Temp.	Pte. do Porto	A Coruña

Chafullando pola Internet

Atopei isto e coido que é moi bo e moi interensante, paga a pena lelo.

http://www.conmosca.com/modules.php?name=News&file=article&sid=2910&mode=&order=0&thold=0

Discrecionalidade, Arbitrariedade e outras “dade” ou máis ben “tomade”, ou do que fan cos cartos PÚBLICOS na Deputación da Coruña.

Permítome chamar discrecionalidade á facultade da Administración de actuar libremente dentro dos lindes que a Lei lle permite ou a habilita para facelo. Asúmese que o poder discrecional da Administración foi e é sempre lexítimo. A Exposición de motivos da Lei da Xurisdición Contencioso Administrativa de 1956 dicía, máis ou menos, que a discrecionalide xurde cando o ordenamendo xurídico atribúe a algún órgano competencia para apreciar, nun suposto dado, o que é de interese público.

A nosa Constitución, a do 1978, non modificou en nada o tema da discrecionalide da Administración, non obstante, consagrou o principio da interdicción da arbitrariedade. Neste senso o Tribunal Supremo, en Sentenza 26 de octubre de 1995 di que a necesidade de motivar os actos administrativos discrecionais…fundaméntase no artígo 9.3 da Constitución que garante a interdicción da arbitrariedade dos Poderes públicos, mentras que a necesidade de que os actos administrativos regulados se axusten as normas que os habilitan ven imposta polo propio artígo 9 da Constitución que é o garante do principio de legalidade.

Cabe preguntarse; Que é o que fai que un acto discrecional se convirta en arbitrario? Cal é a diferenza? Ocórreseme principalmente a motivación, a necesidade de motivar os actos administrativos. Pola motivación poderemos coñecer as razóns nas que se fundamenta unha decisión, como moi ben sabemos todos, unha cousa son os motivos e outra a motivación.

Cando falamos de asociacións, estas están sometidas á Lei Orgánica 1/2002, de 22 de marzo, Reguladora do Dereito de Asociación. Esta Lei no seu artigo 4.5 di específicamente que: Os poderes públicos non facilitarán ningún tipo de axuda ás asociacións que no seu proceso de admisión ou no seu funcionamento discriminen por razón de nacemento, raza, sexo, relixión, opinión ou cualquera outra condición ou circunstancia persoal ou social.

Temos asociacións das que tan só poden ser socios os nacidos no concello no que ten o seu domicilio social ou a súa actividade esa asociación,  xa podemos falar de discriminación por razón de nacemento. Logo temos outras das que tan só poden ser socios propietarios, ou veciños dun determinado lugar, agora xa falamos de discriminación por circunstancias persoais ou sociais. Malia todo iso, algunhas  destas asociacións acoden ás convocatorias de axudas públicas da Deputación da Coruña. Como non se publicou a listaxe das entidades que obtiveron axudas públicas no 2012 e, neste senso seguimos co oscurantismo que a Lei lles permite ao non ter a Deputación a obriga de facer públicas aquelas axudas inferiores a unha determinada cantidade, non cabe outra posibilidade ca de acodir as vías que a lexislación vixente nos deixa abertas. 

Resulta curioso que a Lei 4/2006, de 30 de xuño, de transparencia e de boas prácticas na Administración pública galega, recolla no seu preámbulo que a participación da cidadanía nos asuntos públicos se conforma hoxe coma un elemento fundamental…,e logo se actúe, dende algunha desas administracións, cunha total falta de transparencia, chegando mesmo a facer do silencio administrativo unha norma. Por isto, pola falta de motivación e, xa que logo, de transparencia, quedan as vías expeditas a toda clase de interpretacións sobre cales son realmente os motivos da concesión, ou rexeitamento, das axudas públicas da Deputación da Coruña ás entidades sen ánimo de lucro.

 

Manuel Mouzo Méndez.

Actividades 2013

09/02/2013 Social Mar-Praia en Lourido

Reunímonos ás 19,00 horas na praia de Lourido (Muxía)

Coidado co Volante!!

Derradeiros traballos do 2012

Un día sen vento, no mes de agosto, esas árbores caeron no río ao carón do Muíño de Sofía. algunhas outras polas máis foron arrimándose e entorpecendo a subida dos reos por esas correntes. Non quedaba máis remedio que retirar todos eses entullos, ademais, tampouco podía ser nada bo deixar ahí todos eses atrancos para cando subise o río coas choivas do outono e do inverno así que, coma sempre, con alegría e moito ánimo puxémonos mans a obra!!

Dividímonos en dous grupos, un de intrépidos especialistas da escalada e do tema "motoserra", que foron enviados en expidición á outra beira do río, outro de apoio e intendencia. A medida que os expedicionaros ían cortando o outro equipo ía evacuando os restos, non sen dificultades!!

Pero os esforzos, unha vez máis, pagaron a pena e devolvemoslle a este tramo de río a súa maxestuosidade. Asemade, quedou a vía expedita para uso e goce dos peixes e dos pescadores e visitantes.
 

Colocamos, unha vez máis, o mesmo sinal e, logo dun pequeno descanso para repoñer folgos, diriximonos, ledos e famentos, cara ao Pastoriza, onde demos boa conta das empanadas de pan de millo con xouvas e dun impresionante cochinillo.

E todo está ben cando remata ben!!