miércoles, 29 de septiembre de 2010

Os derradeiros lances da tempada 2010











Adeus tempada 2010!!
Para os pesimistas unha tempada menos e para os optimistas unha tempada máis. Para uns unha boa tempada, para outros foi coma sempre e para algúns isto vai cada vez a menos. Para nós foi unha moi boa tempada. As medidas tomadas no Couto de Pesca da Ponte do Porto amosaron a súa utilidade, máis aínda coa seca que nos tocou vivir este ano. O río Grande, se non chove, baixa moi axiña de caudal e todos coñecemos como funcionan as depuradoras, se se lles pode chamar así ás decantadoras que se atopan río arriba do Couto.
É capital que nós, os pescadores, pensemos na conservación e recuperación dos nosos ríos e dos seus recursos piscícolas. Somos os primeiros interesados. Pero non debemos facelo tan só por nós mesmos, que tampouco o facemos. Os nosos ríos e os seres que neles habitan, permanentemente ou temporalmente, son recursos e bens públicos. Por isto, as administracións públicas, sexan da cor que sexan, deberían antepoñer aos intreses privados o interés público dos nosos recursos comúns. Nin se fixo así antes nin se está facendo agora.
A pouca, ou nula unión entre o colectivo de pescadores permítenlles aos responsables da xestión das nosas augas tomar decisións ao antollo dos máis ricos. E isto seguirá sendo así mentres tanto e en canto algúns "persoeiros", que se chaman pescadores, vexan no mundo da pesca un instrumento para seguir "vivindo do conto" e "alimentando o seu ego". Agora ben, isto non debe ser excusa para que aqueles que traballamos polos nosos ríos, e gozamos deles, non sigamos o noso camiño sen aforrar esforzos e tentemos, na medida do posible e en momentos puntuais, colaborar, unirnos e traballar por unha causa común. A PESCA!! Se o acadamos, teremos un bo treito de camiño feito.
Saúdos a todos e a preparar a tempada 2011 con renovados folgos!!




lunes, 27 de septiembre de 2010

As derradeiras actividades da tempada 2010

Foi un éxito a conferencia sobre medio ambiente de Camariñas. Os poñentes; de esquerda a dereita: José Mira Turnes "Pepe Mira", Mark Adkinson e Santiago Fraga Sáenz foron quen de facernos chegar aos asistentes a súa mensaxe, ata tal punto que non foi necesario rogarnos - aos asistentes - a nosa participación no debate, fixémolo de xeito natural e expontáneo entendendo e comentando, nun ou noutro senso, as palabras e as exposicións destes poñentes que tiveron unha maneira maxistral de encarar e desenvolver este acto e de transmitir os asuntos e os contidos das súas charlas ao público.
Grazas a mestría destes homes saímos todos máis informados e comprometidos co coidado e mantemento dos bens naturais - que son moitos - da nosa comarca. Grazas aos tres. Moitas grazas por esta - máis que conferencia - eu diría CLASE MAXISTRAL!!

Despois encarámonos todos para Carnés e en Casa Ferrín gozamos dun verdadeiro festín. Xantar que tradicionalmente vimos facendo sempre o derradeiro sábado de setembro e que sempre é un acontecemento moi agardado. O trato exquisito que recibimos en Casa Ferrín, a calidade e xenerosidade da súa cociña, a boísima conferencia a que víñamos de asistir, a entrega dos premios do campeonato de pesca do reo e o alto nivel deste grupo humano foron os ingredientes dunha nova xornada que - coma antes outras - lembraremos e comentaremos moitos anos.


A señora de Moncho entregoulle o terceiro premio, despois dun sorteo entre el e Juan, a José Manuel, que por un día non foi o máis grande - en altura - das nosas xuntanzas. Cando lle foi presentado Mark Adkinson di José Manuel "que grande és carallo".


Montse entregoulle a Carlos o segundo premio. QUE BONITO É O AMOR!!


Este ano Carlos foi o que máis reos pillou ao longo da tempada e sen dúbida o que ten a media de peso por reo pillado máis alta, inda que o máis grande da tempada o pillase José Manuel.



Outros, como non nos foi tan ben, temos que contentarnos como podemos. Nonsí Antonio? Pero, eso si, grazas a unha doazón do Bar Pastoriza de Vimianzo puidemos presumir dunha medalla conmemorativa deste campionato colgada no pescozo. Grazas Pastoriza!!


Os tres gañadores do concurso 2010.



Premio Concello de Camariñas

Premio Caixa Galicia

Premio Deputación da Coruña

Véselles nas caras unha ledicia que sen dúbida compartimos todos. As moitas xornadas que xuntos pasamos, tanto pescando coma limpando o Couto ou Sinalizando, en definitiva mantedoo no mellor estado posíble, fan que nos sintamos como un grupo moi identificado uns cos outros.
Os nosos agradecementos a todos aqueles que colaboraron connosco ao longo do ano, sen a súa axuda todo isto non sería posible.
- Xunta de Galicia.
- Deputación da Coruña.
- Concello de Camariñas.
- Caixa Galicia, sucursal de vimianzo.
- Bar O Pescador de Baio.
- Bar Chalana de Camelle.
- Casa Ferrín de Carnés.
- Bar Pastoriza de Vimianzo.
- Publisoneira de Vimianzo.
- Casa Sabino da Ponte do Porto.
-Xoiería Victoria de vimianzo.
E a todos aqueles ou aquelas que dunha maneira ou doutra nos botaron unha man. Grazas a todos e todas!!
-







domingo, 19 de septiembre de 2010